Imsejjes fuq l-istandard Brittaniku maħruġ mill-'British Bird Coucil'.

 

DAQS:

L-akbar possibli. Mill-anqas 16.5 cm.

GĦAMLA:

Munqar;

Qasir, koniku u robust li jżewwaq ir-ras.

Ras;

Wiesgħa w tonda, b’moħħ għoli jsserraħ fuq għonq mimli.

Ġisem;

Qasir, ittondjat u matnazz.

Mill profil trid tidher kurva waħda li tibda minn taħt il-gerzuma, tgħaddi għas-sider u tasal san-naħa t’isfel taż-żaqq. Fuq, għandu jkun kemxejn imqammar mill- kozz tal-għonq san-naħa t’isfel tad-dahar.

Wieqaf fuq il-passiġġiera b’angulatura ta’ madwar 45 grad.

Koxox;

Ma jidhrux.

Ġwienaħ;

Miżmuma sew mal-ġisem li jaslu sa fuq id-denb. Ma jridux ikunu msallbin jew imdendlin.

Denb;

Id-denb irid jidher qasir, ikun magħluq u mifruq lejn it-tarf.

KULUR & DISINN:

RĠIEL:

Munqar;

Kulur il-ġilda ċara.

Għajnejn;

Kannella skuri.

Ras;

Moħħ aħdar, riedni skuri. Ħuġbejn ħadranin aktar ċari.

Skutella u wara tar-ras aħdar kannella.

Mustaċċi aktar skuri. L-għata tal-widnejn griżi.

Dahar;

Aħdar fil-kannella bi strixxi kannella aktar skuri.

L-ngroppa:

Ħadrani li ma’ jikkuntrastax bil qawwi mad-dahar. L-għata ta’ fuq tad-denb aħdar kulur iż-żebbuġa li jaqleb għal ġriż fil-kannella lejn it-tarf.

In-naħa ta’ taħt;

Is-sider u l-gerżuma jridu jkunu aħdar ħaxix jixgħel u safi kemm jista’ jkun li jaqleb iktar safrani isfel lejn iż-żaqq, bl--abjad ta’ taħt id-denb minimizzat l-aktar possibli.

L-għata ta’ taħt tad-denb sofor li jsiru ħodor kulur iż-żebbuġa lejn it-tarf.

Ġnub;

Aħdar kannelli.

Ġwienaħ;

·      Spalel – Kannella fl-aħdar li jitwaħħad mad-dahar.

·      Pinen primi – Dawn għandhom ikollhom faxex sofor li jgħaqdu f’waħda usa’ fuq ix-xifer t’isfel tal-ġwejnaħ magħluq

·      Pinen sekondi – Suwed bix-xfar griżi li jsir usa’ u jsir aktar kannella fuq dawk terzjali.

·      Għata tal-ġwienaħ zgħar - Ħodor

·      Għata tal-ġwienaħ mediani – Ħodor żebbuġa.

·      Għata tal-ġwienaħ kbar – Kannella fil-griż.

·      Għata tal-ġwienaħ primi – Suwed bix-xifer aħdar.

·      Alula – Isfar jgħajjat.

Denb;

Iswed fit-truf u isfar jgħajjat lejn il-bażi, u bordura griża.

Ir-rix ċentali tad-denb ikunu suwed bil bordura ħadranija.

Saqajn u swaba;     Kulur il-ġilda.

Dwiefer;                    Kulur il-ġilda skura.

 

NISA:

L-istess għamla tar-raġel.

Il-kulur tal-mara għandu jkun kannella u kulur aħdar żebbuġa. L-isfar fil-ġewnaħ u d-denb ma jkunx wiesgħa u jgħajjat daqs fl-irġiel.

Munqar;                     Bħal tar-raġel.

Għajnejn;                   Bħal tar-raġel.

Ras;

Moħħ kannella fl-aħdar.

Ħuġbejn iktar ċari.

Skutella u wara tar-ras kannella b’daqqiet aktar skuri.

Mustaċċi aktar skuri mill-kumplament tal wiċċ. Għata tal-widnejn griżi.

Dahar;

Kannella b’daqqiet aktar skuri, li jifformaw rigi bi dritt xulxin li jidjiequ lejn ir-ras u jispiċċaw in-naħa t’isfel tad-dahar.

Ngroppa;

Ħadra. Għata tad-denb ta’ fuq aħdar żebbuġa li jaqleb għal kannella lejn it-tarf.

Taħt;

Gerżuma kannella griża fl-aħdar.

Sider kannella ċar fl-aħdar b’daqqiet aktar skuri.

Id-daqqiet ta’ fuq is-sider huma usa’ u inqas jgħatu fl-għajn.

Iż-żaqq aħdar ċar li jibjad aktar l-isfel.

L-għata ta’ taħt tad-denb ikunu griżi fil kannella ċar.

Ġnub;             Kannella.

Ġwienaħ;

·      Spalel - Kannella

·      Pinen primi - Suwed fil kannella bix-xfar sofor. L-isfar dejjaq u ċar aktar minn tar-raġel.

·      Pinen sekondi – Suwed fil kannella bix-xfar griżi fil kannella.

·      Għata tal-ġwienaħ zgħar – Aħdar żebbuġa.

·      Għata tal-ġwienaħ median – Aħdar żebbuġa jgħati fil kannella.

·      Għata tal-ġwienaħ kbar – Kannella fil-griz.

·      Għata tal-ġwienaħ primi – Suwed bix-xifer aħdar.

·      Alula –Sewda fil kannella bix-xifer ta’ barra isfar.

Denb;

Rix iswed bix-xifer ta’ barra isfar. Rix tan-nofs iswed fil-kannella.

Saqajn u swaba;     Kulur il-ġilda.

Dwiefer;                    Kulur il-ġilda skura.

 

 

 

 

 

 

 

 

 

 

 

 

 

 

 

 

Nota dwar id-Daqs:

Għalkemm għasafar kbar huma ppreferuti, id-daqs m’għandux itellef fil-kulur jew fl-għamla.

L-istandard jesiġi li l-verdun ikun l-akbar possibli, dan imma jista’ jwassal sabiex jinħolqu numru ta’ mankamenti bħal rix difettuż, fertilita baxxa, għasafar batuti u mmunita dgħajfa. Min irabbi, m’għandux inissel minn għasafar bħal dawn, u jara li ma jkattarx dawn id-difetti.

Nota dwar l-Għamla:

Ir-ras m’għandiex tidher forma ta ‘lenbut’ jew ‘kaxxa’. Il-moħħ għoli li jibda minn mal bażi tal munqar ta' fuq. L-iskutella trid tkun wiesgħa minn quddiem għal wara.

Il-ġisem irid ikollu dehra kompatta u mibruma, ttundjata u robusta.

Difetti f’Għamla:

Ras dejqa. Għajnejn mhux f’posthom. Munqar kbir ħafna jew zgħir iżżejjed.

Wieħed mill-akbar difetti f’ħafna vrieden hija linja dritta mill quċċata tar-ras sat-tarf tad-denb, magħrufa bħala ‘dahar twil’ jew ‘rampa’. L-ebda għasfur b’dahru dritt ma jista’ qatt ikollu il-forma tonda mixtieqa. Għar minn hekk hu meta d-dahar ikun imqammar l-isfel.

Għasafar sfigurati jew f’għamla ta’ lanġasa.

Ħxuna zejda fuq is-sider u ż-żaqq, li tkerraħ.

L-għasfur m’għandux ‘ipoġġi’ jew joqgħod ‘qroqqa’ fuq il-passiġġiera.

Gwienaħ miżmuma ħazin. Denb twil.

Dwiefer miksura jew nieqsa.

Nota dwar il-Kulur u d-Disinn fir-Raġel:

Għalkemm kulur kannella fuq ir-ras, dahar u l-ġnub m’għandhomx jitqiesu bħala difetti, għasafar iktar ħodor huma meqjusa superjuri.

L-għata ta’ taħt tad-denb isfar huwa aħjar.

Id-disinn ta’ fuq id-dahar jaqla’ iktar lill-għasfur.

Għasafar buff juru inqas kulur minn dawk intensivi, u huwa diffiċli sabiex verdun buff jgħeleb lil wieħed intensiv, pero buffs b’kulur tajjeb kulltant jirbħu wkoll għaliex dawn ħafna drabi jkunu akbar u ta’ għamla aħjar minn dawk sofor.

Difetti fl-Irġiel:

Kulur maħmuġ jew imdaħħan, fejn l-għasfur ikun jidher skur.

Sider u zaqq li jkunu mniġġsa bil kannella.

Isfar mitfi.

L-isfar fid denb li jkun qasir jew l-iswed tat-tat-tarf ikun wiesgħa żżejjed.

Nota dwar il-Kulur u d-Disinn fin-Nisa:

L-abjad madwar l-rqiq tal-għasfur huwa iktar mifrux fin-nisa u dan ħafna drabi jinfirex sa fuq iz-zaqq.

Nisa intensivi ġeneralment juru ħafna kulur fuq is-sider, u jekk dawn ikollhom daqs u għamla tajba ikunu rebbieħa.

Għalkemm nisa buff ta’ kwalita tajba l-biċċa l-kbira jirbħu fuq nisa sofor, dawn imbagħad ħafna drabi jingħelbu minn raġel intensiv għall-aqwa verdun.

Difetti fin-nisa:

Għasafar bajdanin iżżejjed.

Noti Ġenerali:

L-għasfur għandu jkun kalm u juri ruħu kburi u kunfidenti meta jkun għal wiri. Dan ma għandu jiddejjaq xejn minn nies li jħarsu lejħ.

Fejn l-intensiv u l-buff ikunu tal-istess kwalita, l-intensiv għandu jirbaħ

Pero fejn il-buff li jkollu kulur tajjeb ikun ta’ għamla isbaħ allura dan għandu jingħata l-preċedenza.

Difetti ġenerali:

Għasfur nervuż u li ma’ jkunx imħarreġ sew għall-wirja.

Preżentazzjoni fqira.