It-tnissil u l-wiri tal-Bgħula minn Antoine Debono.

L-ewwel nixtieq nibda biex niċċara ftit fatti.  X`inhu bagħal?  Bagħal huwa ħlejqa bejn żewġ speċi differenti. 

L-Ingliżi għandhom drawwa jifirdu l-bgħula f’żewġ kategorji.  Il-bgħula bejn kanarini u frinġilli jissejħu mules u l-bgħula bejn żewġ frinġilli jissejħu hybrid`.  Il-Kontinentali jafuhom kollha bhala hybrids.  Fil-fatt fl-Ewropa għandhom drawwiet differenti fil-wiri tagħhom mill-Brittaniċi.

Drawwiet Differenti:

Fejn fl-Ingilterra jagħtu l-kulur aħmar lill-bgħula kollha, fuq il-kontinent wieħed jinnota li hemm selezzjoni biss li jingħataw il-kulur, dawk li għandhom iż-żewġ ġenituri b’xi rix aħmar.  Fil-każ tal-bgħula mal-kanarina, l-aħmar fl-għasfur tal-għana biss huwa biżżejjed sabiex dawn il-bgħula jingħataw il-kulur.  Fejn jidħol il-gardell, dawn qatt ma jieħdu l-kulur.  F’Malta, illum il-ġurnata, qegħdin nimxu fuq is-sistema tal-C.O.M, jiġifieri s-sistema kontinentali.

Kunċett ieħor li huwa differenti minn xulxin huwa l-fatt li meta wieħed jitlaq kanarina għall-bgħula, il-Brittaniċi jippreferu bgħal kabbari. Għal dan il-għan jużaw il-kanarina tar-razza Norwich.  Għall-C.O.M. il-kobor żejjed mhux xi ħaga tajba għall-wirja.  Biex wieħed ikollu riżultat mill-aqwa, huwa importanti li jagħmel użu minn għasafar b’rixa intensiva sabiex il-kulur tal-bagħal ikun tajjeb.  Huwa tajjeb ħafna li tagħmel ftit ħsieb fuq liema kulur ta` kanarina għanek tuża.  Il-kulur tal-kanarina dejjem jiddependi fuq il-frinġill li bi ħsiebek tuża.  Id-differenzi fil- frinġilli huma li hemm għasafar bil-marki suwed u għasafar bil-marki kannella.

Xi eżempji ta` dawn huma dawn:

X`irid ikollu bagħal biex ikollok suċċess fil-wirja?

Hemm tlett punti inportanti li l-ġudikatur ifittex fil-bagħal.  Il-kulur irid ikun tajjeb ħafna.  Għalhekk importanti li ż-żewġ għasafar ikollhom rixa intensiva.  Il-forma(type) hija importanti, għasfur mislut jew tawwali mhux imfittex.  L-għasfur ideali jrid ikun kemm xejn mimli.  Madankollu fil-forma tiegħu jrid ikun fil-parametri tal-ġenituri.  Ħaġ`oħra ferm importanti fil-bgħula hija dik li l-bagħal irid ikun jingħaraf, jiġifieri fih trid tara liż-żewġ ġenituri ndaqs (50%-50%).  Nispera li b’dan it-tagħrif titħajru tnisslu aktar bgħula u tesebixxuhom fil-wirjiet.